കളമശേരി —തൊഴിലിടങ്ങളിലെ സുരക്ഷിതത്വവും കരുതലും സംസ്‌കാരമായി വളർത്തണമെന്നു ബഹു. മന്ത്രി ബിന്ദു കൃഷ്‌ണ അഭിപ്രായപ്പെട്ടു. ഫാക്ടറീസ് ആൻഡ് ബോയിലേഴ്സ് വകുപ്പ് പോളിടെക്നിക്, ഐടിഐ വിദ്യാർഥിനികൾക്കായി നടത്തിയ ആരോഗ്യ സുരക്ഷിതത്വ ശിൽപശാല (ശിഖ) ഉദ്ഘാടനം ചെയ്യുകയായിരുന്നു മന്ത്രി.

തൊഴിലിടങ്ങളിലെ സുരക്ഷിതത്വവും കരുതലും സംസ്‌കാരമായി വളർത്തണം.

— മന്ത്രി ബിന്ദു കൃഷ്‌ണ

തൊഴിലിടങ്ങളിലെ അപകട സാധ്യതകളെക്കുറിച്ചു കൃത്യമായ ഗ്രാഹ്യമുണ്ടാകണമെന്നും വ്യക്തിഗത സുരക്ഷാ ഉപകരണങ്ങളുടെ പ്രാധാന്യം മനസ്സിലാക്കണമെന്നും ബഹു. മന്ത്രി പറഞ്ഞു.

പരിശീലന പുസ്തകത്തിന്റെ പ്രകാശനം നഗരസഭാധ്യക്ഷൻ ജമാൽ മണക്കാടൻ നിർവഹിച്ചു. കൗൺസിലർ കെ.ഇ. മാഹിൻ, ഫാക്ടറീസ് ആൻഡ് ബോയിലേഴ്സ് ഡയറക്ടർ ആർ. സൂരജ് കൃഷ്ണൻ, ജോയിന്റ് ഡയറക്ടർ നിതീഷ് ദേവരാജ് എന്നിവർ പ്രസംഗിച്ചു.